อันว่า เเพรแผ่นผ้า ผืนใหม่เเพรไหม
ลงย้อมสี ครั่งคำเเดงคล้ำ
เอามาเอ้ สาวใสสวมใส่ งามเเหลว
เเนมดู เหลืองพ่องเหลื้อม เเสงต้องส่องตอง เทียวเเหลว
เคียนไหล่เจ้า พือเเผ่สไบเเพร
เทียมเทียบนางพญา คู่ซอนกษัตริย์ซ้อน
เจ้าผู้ มวยผมดั้ว เฮียมหมายมาหม่าย เจ้าเเหลว
แฮกเเต่ เห็นฮูปน้อง ซวนล้มท่าวลม เเท้นา
เจ้าผู้ คำค่าล้าน เสมอแท่นพญาเเถน
มีไป่นอ คู่ซูเสมือนซู้
เฮียมผู้ เทียวมาเว้า ออดคำเเลงค่ำ
หมายจัก ทอดแผ่นแป้น มือคั้วก่ายขัว เเท้นา
ว่าอยาก ขอขอดฝั้น เเพรใหม่เคียนไหม นี้เเหล่ว
สืบเป็นเครือ สอดกระสวยปลายส้วย
ทอผืนผ้า ฟืมตำนางต่ำ หูกนั้น
ไหมคู่ฝ้าย ลือใกล้ส่าไกล น้องเอย.
